Malaysia

ஜொகூர் சுல்தானுடன் 2 மணி நேரம் சந்திப்பு நடத்திய அன்வார்!

22/05/2018

747

{ Anwar held two hour meeting Johor Sultan }

மலேசியா: நேற்று இரவு ஜொகூர்பாருவிலுள்ள இஸ்தானா பெலாங்கியில் ஜொகூர் சுல்தான் சுல்தான் இப்ராஹிம் சுல்தான் இஸ்கண்டாரை பி.கே.ஆர். தலைவர் டத்தோஸ்ரீ அன்வார் இப்ராஹிம் சென்று சந்தித்துள்ளார்.

இரவு மணி 10.50 அளவில் தனது மகளும் பெர்மாத்தாங் பாவ் நாடாளுமன்ற உறுப்பினருமான நூருல் இசாவுடன் வந்திருந்த அன்வார் சுமார் 2 மணி நேரத்திற்கும் மேலாக சுல்தான் இப்ராஹிமுடன் கலந்துரையாடியுள்ளார்.

இந்த சந்திப்பு குறித்து சுல்தான் இப்ராஹிமின் அதிகாரப்பூர்வ முகநூல் பக்கத்தில் படங்களுடன் தகவல் பகிரப்பட்டுள்ளது.

இந்த ரகசிய சந்திப்பில் அவர்கள் இருவரும் பல்வேறு விவகாரங்கள் குறித்து விவாதித்துள்ளனர். ஆனால், என்ன விவாதிக்கப்பட்டது என்பது அதில் குறிப்பிடப்படவில்லை.

இந்த சந்திப்பில் ஜொகூர் பட்டத்து இளவரசர் துங்கு இஸ்மாயில் சுல்தான் இப்ராஹிமும் கலந்துக்கொண்டுள்ளனர்.