நாட்டின் பொதுத் தேர்தலின்போது தாக்குதல்கள் நடத்தத் திட்டமிட்ட சந்தேகத்தின் பேரில் 15 பேர் கைது!

01/06/2018

1041

{ arrested plotting attacks malaysia }

மலேசியாவில் பொதுத் தேர்தலின்போது தாக்குதல்கள் நடத்தத் திட்டமிட்டிருந்ததாகச் சந்தேகிக்கப்படும் 15 பேர் கைதுசெய்யப்பட்டுள்ளனர்.அவர்களில் ஒருவர் இல்லத்தரசி. இன்னொருவர் 17 வயது மாணவர்.

மேலும், பயங்கரவாத எதிர்ப்புக் காவல்துறை அதிகாரிகள் மார்ச் மாதம் 27ஆம் திகதியிலிருந்து கடந்த மாதம் 9ஆம் திகதிவரை கோலாலம்பூர், சிலாங்கூர், ஜொகூர், கிளந்தான், சபா ஆகியவற்றில் சோதனை நடவடிக்கைகளை நடத்தியுள்ளனர்.

பொதுத்தேர்தலின்போது காரில் எரிகலன் கொண்டு தாக்குதல் நடத்த அந்த இல்லத்தரசி திட்டமிட்டிருந்ததாகக் காவல்துறை தலைமை அதிகாரி முகம்மது ஃபாஸி ஹரூன் (Mohd Fuzi Harun) தெரிவித்துள்ளார்.

கோலாலம்பூரில் உள்ள கேளிக்கை நிலையங்கள், தேவாலயங்கள், கோவில்கள் போன்ற இடங்களிலும் தாக்குதல் நடத்த திட்டமிருந்தது கண்டுபிடிக்கப்பட்டதாக அவர் கூறியுள்ளார்.

புக்கிட் பிந்தானில் உணவக உரிமையாளரான 41 வயது பங்களாதேஷ் ஆடவரும் ஆயுதங்களைக் கடத்தியதற்காகக் கைதுசெய்யப்பட்டுள்ளார்.

வட ஆப்பிரிக்காவைச் சேர்ந்த தம்பதியரும் காவல்துறையிடம் பிடிபட்டுள்ளனர். ஐ எஸ் பயங்கரவாத அமைப்பைச் சேர்ந்தோர் எனச் சந்தேகிக்கப்படும் இருவரும் சொந்த நாட்டுக்குத் திருப்பி அனுப்பிவைக்கப்பட்டுள்ளனர்.